ನಾ ಪ್ರೇಮಿಯಲ್ಲ

ನಾ ಪ್ರೇಮಿಯಲ್ಲ
ಬದಕು ಭಾವನೆಗಳೊಳಗೆ ಬೆಂದು ಹೋಗಿದ್ದರು,
ಒಲವ ಬೂದಿಯೊಳಗೆ ಆ ನೆನಪಿನ ಬಿಸಿ ಕೆಂಡ
ಸುಡುತಿದೆ ಒಳಗೊಳಗೆ ಆದರೂ...
ನಾ ಪ್ರೇಮಿಯಲ್ಲ...!

ನಾ ಪ್ರೇಮಿಯಲ್ಲ
ಕನಸುಗಳ ಕಟ್ಟೆಯೊಡೆದು ಮುನ್ನುಗ್ಗಿ
ನಿದಿರೆಯ ಹೆಸರಲ್ಲಿ ಕನಸುಗಳ ರೌರವ ನರ್ತನ
ಎನ್ನ ಮನಸ ತುಂಬ ಅವಳೇ ತುಂಬಿದ್ದರು
ನಾ ಪ್ರೇಮಿಯಲ್ಲ...!

ನಾ ಪ್ರೇಮಿಯಲ್ಲ
ಅವಳು ಬರುವ ದಾರಿ ಕಾಯುತ
ನನ್ನ ದಾರಿ ಮರೆತ ನಾನು,ನನ್ನನ್ನೂ ಮರೆತೆ
ಅವಳು ಬರುವ ದಾರಿ ಮುಚ್ಚಿ ಹೋಗಿದ್ದರೂ,
ಬಂದೇ ಬರುವಳೆಂದು ಕಾಯುತ್ತಿದ್ದರೂ...
ನಾ ಪ್ರೇಮಿಯಲ್ಲ...!

ನಾ ಪ್ರೇಮಿಯಲ್ಲ
ಹೃದಯವೇಕೊ ದಿಗಿಲುಗೊಂಡಂತೆ ಕಂಪಿಸುತಿದೆ
ಅವಳು ಬರುವಳೇನೊ ಎಂದು ಮತ್ತೆ ಮತ್ತೆ
ಮನಸು ಹಠವಿಡಿದು ಮಗುವಿನಂತೆ
ರೋದಿಸುತಿದೆ ಆದರೂ...
ನಾ ಪ್ರೇಮಿಯಲ್ಲ***!!!!!!!!