ಅಡಿಗಡಿಗೂ ಗಡಿಯಾರದ ನಡೆಯು
ಎಡೆಮಾಡಿದೆ ತಡೆಯಲಾರದೆಡೆಗೆ
ಕಡೆಗೂ ಬೀಸಿದೆ ಸಮಯದ ಬಡಿಗೆ
ಹಾಡಿದೆ ಎದೆಯ ಬಡಿತದ ಸದ್ದಿಗೆ
ಕಡೆಗಣಿಸಿದವರ ನಡೆಯ ನುಡಿಗೆ
ಬಡಿದು ಕೊಂಡಿರುವ ಘಂಟೆಯ ಗಂಟಲಿಗೆ
ತಡಕಾಡಿದೆ ಕಾಡುವ ಬೇಡುವ ಸದ್ದಿಗೆ
ಸುದ್ದಿಯ ಕೊಡುವ ಅದೇ ಜಿದ್ದಿಗೆ
ಬಿದ್ದಿ ಬಿದ್ದಿ ಓಡುತಿದೆ ಅದೇ ವೇಗದಲಿ
ಹಿಡಿದು ತಡೆಯಬಲ್ಲೆಯಾ
ಗಡಿಯಾರದ ಬಂಡಿಯಾ....??
Sunday 23 August 2015
ತಡೆಯಬಲ್ಲೆಯಾ...?
Tuesday 18 August 2015
ಬದುಕುವೆನು ನಾನು
ಬರೆಯುವ ಮೊದಲೇ ಮರೆತು ಹೋಗಿದೆ
ನನ್ನಿಷ್ಟದ ಸಾಲು
ಹೇಗೆ ಹೇಳಲಿ ..? ಏನು ಮಾಡಲಿ ..?
ಜಿಗಿದಾಡುವ ಮನದ ಮೂಲೆಯಲ್ಲಿ
ಜೋಕಾಲಿಯಂತೆ ಜೀಕುವಾಗ ನೀನು
ಸುಡುವ ಪ್ರೇಮದ ಒಡಲೊಳಗೆ
ತುಸು ಯಾಮಾರಿದಾಗ
ಹೇಗೆ ಹೇಳಲಿ ..? ಏನು ಮಾಡಲಿ ..?
ಜಗದ ಕೊನೆಯ ತುದಿಯ ಬಳಿ ನಿಂತು
ಕೂಗುವಾಗ ಸಾವಿರ ಸಲ
ಹೇಳ ಹೆಸರಿಲ್ಲದಂತೆ ಮರೆತು ಹೋಗಿ ಬಿಡು
ಮತ್ತೆ ಬಾರದಂತೆ ನೀನು,
ಬದುಕಬಹುದು ನಾನು
ನೀನಿಲ್ಲದೆ...! ಏನೂ ಇಲ್ಲದೆ....!!
Subscribe to:
Posts (Atom)