ಸುಮ್ಮನಿರದ ಪ್ರಾಯ...!!

ಸುಮ್ಮನಿರದ ಪ್ರಾಯ ಮಾಡಿತೊಂದು ಹೃದಯದಿ ಗಾಯ
ಇರುವುದೊಂದು ಹೃದಯ ಹಂಚಲಾರೆ ಯಾರಿಗು ಇನಿಯ
ಎಲ್ಲಿ ಹೋದೆ ಪ್ರೀತಿಯ ಗೆಳೆಯ ,
ಒಂಟಿಯಾಗಿ ನನ್ನನು ಬಿಟ್ಟು ಹೇಳಲಾರದೆ...!
ಕೊಟ್ಟು ಬಿಡುವೆ ಕೇಳು ಪ್ರಾಣವಾದ್ರು ಬಿಡುವೆ ನಾನು
ಬಿಟ್ಟು ಇರೆನು ನಿನ್ನಯ ನಂಟು
ಬರದೆ ಇರುವೆಯಾ...?
ಸುಮ್ಮನಿರದ ಪ್ರಾಯ ಮಾಡಿತೊಂದು ಹೃದಯದಿ ಗಾಯ.

ಸನಿಹ ಬರಲು ನಾನು ಬಿಡದೆ ಬಳಸಿ ಒಮ್ಮೆ ತಬ್ಬು
ಒಲವ ಅಮಲಿನಲ್ಲಿ ತೇಲುವಂತ ನಶೆಯ ಸುಧೆಯೊ
ತೆರೆದುಕೊಂಡ ಜೀವದ ಸೆಲೆಯೊ
ಬಾರೊ ಬೇಗನೇ ....!
ಮನದಿ ಕುಳಿತ ಜೀವ ಯಾರ ಹಂಗು ಬೇಡ ನಿನಗೆ
ನೋಡಲಾರೆ ಯಾಕೇ ಒಲವೆ
ಒಮ್ಮೆ ನನ್ನನೂ...!
ಇರುವುದೊಂದು ಹೃದಯ ಹಂಚಲಾರೆ ಯಾರಿಗು ಇನಿಯ.

ಕರೆದು ಕರೆದು ಒಳಗೆ ನನ್ನನ್ನೇಕೆ ಕೊಲುತಿಹೆಯಲ್ಲ
ನೆನೆದು ನೆನೆದು ನಿನ್ನ ಇಂದು ನಾನು ಬಳಲಿದೆನಲ್ಲ
ಕಾಯುವಲ್ಲು ಸುಖವನೆ ಕಂಡೆ
ಏನು ಸಂತಸಾ
ಬರದೆ ಇರಲು ನೀನು ಕಾಯುತೀನಿ ಶಬರಿ ನಾನು
ಕಾದು ಬಿಡುವುದೇ ಈ ಹೃದಯ
ಎಷ್ಟು ಜನ್ಮವೂ..?
ಸುಮ್ಮನಿರದ ಪ್ರಾಯ ಮಾಡಿತೊಂದು ಹೃದಯದಿ ಗಾಯ...!!