ಬುಡುಬುಡಿಕೆ...!

ಪಾಪಿ ಹಣೆಮ್ಯಾಗು ಬರ್ದವ್ನೆ ಬ್ರಹ್ಮ ಬರ್ಕತ್ತು
ಅಳ್ಸಂಗಿಲ್ಲ ಬುಡಂಗಿಲ್ಲ ಅವ್ನ ನಿಯತ್ತು
ಬರ್ದಂಗ್ ಬದುಕ್ಬೇಕು ಎಲ್ಲಾ ಅವ್ನಾಟ
ಹೇಳ್ದಂಗ್ ನಡೀಬೇಕು ಹೇಳ್ಕೊಟ್ ಪಾಠ

ಹಾಲ್ ಕುಡುದ್ರು ಬದ್ಕಂಗಿಲ್ಲ
ವಿಷ ಕುಡ್ದೋರ್ ಪಾಡೇನು
ಮಣ್ಣಿನ್ ಋಣ ತೀರುಸ್ಲೇಬೇಕು
ಮಣ್ಣಿಗೋಗಕ್ ಮುಂಚೇನೆ
ಮನ್ಷನ್ ಜನ್ಮ ತೊಳ್ಕಂಬೇಕು
ಕರ್ಮ ಮಾಡಿದ್ ಕೈಯಲ್ಲಿ

ಸೇಂದಿ ಕುಡ್ಕಂಡ್ ಬಾಯ್ ಒರಸ್ಕಂಡ್ರೆ ಆಯ್ತು
ನಮಗ್ಯಾಕ್ಬೇಕು ಕುಡುಕ್ರು ಸವಾಸ
ಸುಳ್ಳೇಳುದ್ರು ಹೆಂಡ್ರು ಬಯ್ತಾಳೆ
ಕಣ್ ಕೆಂಪಾಗಯ್ತೆ
ಹೆಂಡ ಕುಡುದ್ಮೇಲ್ ಸುಳ್ ಹೇಳ್ಬಾರ್ದು
ಹೊಟ್ಟೆ ತಂಪಾಗಯ್ತೆ

ಹಣೆಗ್ ವಿಭೂತಿ ಬಳ್ಕಂಡ್ ಹಣೆಬರ ಮುಚ್ಕೊಳ್ಳೋಕ್ಕಾಗಲ್ಲ
ಹಣೇಲ್ ಬರ್ದಿದ್ ಯಾವ್ದೂ ಸುಳ್ಳಾಗಕ್ಕಿಲ್ಲ
ಬುಡ್ ಬುಡುಕೇಲಿ ಹೇಳಿದ್ದೆಲ್ಲ ನಿಜವಲ್ಲ
ಬುಡ್ ಬುಡುಕೇಲಿ ಹೇಳಿದ್ದೆಲ್ಲ ನಿಜವಲ್ಲ.....!!