ನಿನದೇ ಅಮಲು

ಸವಿಮಾತು ಬಾರದೆ ತೊದಲುತಿದೆ
ಚುಂಬಿಸಲು ತುಟಿ ಹಂಬಲಿಸಿದೆ
ನಿನ್ನ ತುಟಿಯಂಚಿನ ನಗು ಆಹ್ವಾನ
ಮೈ ಮರೆಸಿದೆ ನನ್ನನು ಈ ಮೌನ.

ಒಪ್ಪಿಗೆ ನೀಡೇ ಓ.....ಗೆಳತಿ
ಎಂದೆಂದು ನಿನಗೇ ಈ ಪ್ರೀತಿ
ಕತ್ತಲು ನೀಗಲು ಈ ಹಣತೆ
ಪದವಾಗಿ ಬಾರೆಲೆ ಓ ಕವಿತೆ
ಅಲೆಯಾಗಿ ಸೇರಲು ಕಡಲೊಳಗೆ
ಕಾಯುತಲಿರುವೆ ನಾ ಬಯಲೊಳಗೆ.

ಜೊತೆಯಲಿ ಜೊತೆಯಲಿ ಬರುತಿರಲು
ನನಗೊಂದೂ ತಿಳಿಯದು ಇರುಳೂ-ಹಗಲು
ನಿನದೇ ನಿನದೇ ಚಿಂತನೆಯು
ಒಳಗೊಳಗೆ ಏನೋ ಸಂಭ್ರಮವೂ..
ಕ್ಷಣಾ..ದಿನಾ..ಯುಗಾ...ಜನುಮ
ನೀ ನನಗೆ...ನನಗೆ....ನನಗೇ...

ನಿನ್ನವ ನಾನು ಮರೆಯದಿರು
ಎನ್ನ ಹೃದಯವ ತೊರೆದು ಹೋಗದಿರು
ಸಂಜೆಗೆ ಬಾರೆಲೆ ಮೆರವಣಿಗೆ
ನನ್ನ ಹೃದಯವೇ ಹಾಸುವೆ ನಿನ ನಡೆಗೆ
ಕ್ಷಣಕ್ಷಣಕೂ ನನ್ನ ಕೊಲ್ಲಲು
ಅದೇಕೋ ನಿನದೇ ಅಮಲು...